У населеным пункце на Гомельшчыне было ўсяго 34 дамы, але ў той злапомны дзень тут спрабавалі схавацца ад карнікаў больш за 1 700 чалавек. Раніцай фашысты акружылі вёску, сагналі людзей у адін хлеў і падпалілі. Сярод ахвяр былі жанчыны і дзеці.
Сёння на гэтым месцы знаходзіцца мемарыяльны комплекс. Ён быў пабудаваны дзякуючы неабыякавым беларусам. Ідэю стварэння мемарыяла падтрымаў і Прэзідэнт. Гэта сімвалічнае для краіны месца штораз нагадвае нам пра тое, якая цана нашага мірнага неба.
Доўгі час трагедыя Алы заставалася ў цені. Толькі апошняе дзесяцігоддзе сталі з'яўляцца жудасныя падрабязнасці злачынства. Ключавым доказам гістарычнай праўды з'яўляюцца ўспаміны тых, хто выжыў.
Мемарыяльны комплекс "Ала" - знакавае месца не толькі для беларусаў. Сюды прыязджаюць людзі з розных куткоў планеты, нясуць кветкі да помніка і аддаюць даніну павагі і памяці тым, хто загінуў у гэтай жудаснай трагедыі.
