Памятны мітынг прайшоў на Алеі Герояў, дзе пахаваны астанкі салдат, якія прынеслі доўгачаканую свабоду. Гомель быў важным апорным пунктам абароны немцаў, буйным вузлом камунікацыі. Змучаны горад не літавалі. 829 дзён агрэсіі і прыгнечання - рабская праца, масавыя расстрэлы, бамбардзіроўкі, катаванні ў канцлагерах і гета. За два гады колькасць насельніцтва скарацілася ў 9 разоў.
Аднак непакораны Гомель выстаяў і стаў першым абласным цэнтрам Беларусі, дзе пасля доўгай акупацыі савецкая ўлада была адноўлена. Горад над Сожам вызвалілі падчас Гомельска-Рэчыцкай наступальнай аперацыі. У 43-м савецкія войскі стварылі надзейны плацдарм для аперацыі "Баграціён". Беларускі народ захоўвае ўдзячную памяць.
А яшчэ ў Гомелі на праспекце Касманаўтаў адкрылі мурал военачальніку, генералу, Гераю Савецкага Саюза Аляксандру Гарбатаву. Армія пад яго камандаваннем удзельнічала ў трох ваенных аперацыях па вызваленні Беларусі. Жыццёвы шлях палкаводца - прыклад беззапаветнага служэнню ваеннаму доўгу.
Мерапрыемствы, прысвечаныя 81-й гадавіне вызвалення Гомеля, прадоўжацца некалькі дзён. У праграме памятнага марафона - ваенна-гістарычныя рэканструкцыі, тэатральныя пастаноўкі, парад ваеннай тэхнікі, інтэрактыўныя выставы.
