Нацыянальнае агенцтва па турызме вядзе Нацыянальны рэестр экскурсаводаў і гідаў-перакладчыкаў Рэспублікі Беларусь.
Звесткі аб атэставаных экскурсаводах і гідах-перакладчыках, якія прайшлі прафесійную атэстацыю, якая пацвярджае іх кваліфікацыю, размяшчаюцца ў Адкрытай частцы Нацыянальнага рэестра экскурсаводаў і гідаў-перакладчыкаў Рэспублікі Беларусь на сайце belarustourism.by.
У Адкрытую частку Нацыянальнага рэестра ўключаюцца наступныя звесткі аб экскурсаводах і гідах-перакладчыках:
- Прозвішча, імя, імя па бацьку;
- Мабільны тэлефон;
- Адрас электроннай пошты;
- Нумар і тэрмін дзеяння пасведчання аб атэстацыі экскурсавода;
- Пералік тэм экскурсій, па якіх пройдзена атэстацыя;
- Валоданне замежнымі мовамі (для гідаў-перакладчыкаў).
Рэгулярна выконваецца абнаўленне звестак (падаўжэнне тэрміну дзеяння пасведчанняў, змяненне звестак, указаных у пасведчаннях, ануляванне, прыпыненне і спыненне дзеяння пасведчанняў).
У адпаведнасці з артыкулам 34 Закона Рэспублікі Беларусь ад 11 лістапада 2021 года № 129-З "Аб турызме" экскурсіі на тэрыторыі Рэспублікі Беларусь маюць права праводзіць экскурсаводы, гіды-перакладчыкі, якія прайшлі прафесійную атэстацыю, якая пацвярджае кваліфікацыю экскурсаводаў, гідаў-перакладчыкаў.
З падрабязным спісам можна азнаёміцца па спасылцы.
